Hindi

श्री हित चतुरासी जी पद 1 जोई-जोई प्यारौ करै सोई मोहि भावै,भावै मोहि जोई सोई-सोई करें प्यारे | मोकों तौ भावती ठौर प्यारे के नैनन में,प्यारौ भयौ चाहै मेरे नैंनन के तारे || मेरे तन मन प्राण हूँ ते प्रीतम प्रिय,अपने कोटिक प्राण प्रीतम मोसों हारे | जै श्रीहित हरिवंश हंस-हंसिनी साँवल-गौर,कहौ कौन करै जल-तरंगनि न्यारे || श्री हित चतुरासी जी पद 2 प्यारे बोली भामिनी आजु नीकी जामिनी,भेंट नवीन मेघ सों दामिनी || मोहन रसिक-राइरी माई,तासौं जु-मान करै, ऐसी कौन कामिनी | (जै श्री) हित हरिवंश श्रवण सुनत प्यारी,राधिका रवन सों मिली गज-गामिनी || श्री हित चतुरासी जी पद 3 प्रात समय दोऊ रस लंपट,सुरत-जुद्ध जय जुत अति फूल | श्रम वारिज घनविन्दु वदन पर,भूषण अंगहि अंग विकूल || कछु रह्यौ तिलक सिथिल अलकावलि,वदन कमल मानौं अलि भूल | जै श्रीहित हरिवंश मदन-रंग रँगि रहे,नैन-बैंन कटि सिथिल दुकूल || श्री हित चतुरासी जी पद 4 आजु तौ जुवति तेरौ, वदन आनन्द भर्यो, पिय के संगम के सूचत सुख चैंन । आलस वलित बोल, सुरंग रँगे कपोल, विथकित अरुण उनींदे दोऊ नैंन ॥ रुचिर तिलक लेश किरत कुसुम केश, सिर सीमंत भूषित मानौं तैं न । करुणाकर उदार राखत कछु न सार, दसन-वसन लागत जब दैन ॥ काहे कौं दुरत भीरु, पलटे प्रीतम चीर, बस किये श्याम सिखै सत मैंन । गलित उरसि माल सिथिल किंकिनी जाल, जै श्रीहित हरिवंश लता-गृह सैंन ॥ श्री हित चतुरासी जी पद 5 आजु प्रभात लता-मंदिर में,सुख बरसत अति हरषि युगल वर ।गौर-श्याम अभिराम रंगभरे,लटकि-लटकि पग धरत अवनि पर ॥कुच-कुमकुम रंजित मालावलि,सुरत नाथ श्रीश्याम धाम धर ।प्रिया प्रेम के अंक अलंकृत,चित्त्रित चतुर शिरोमनि निजकर ॥दम्पति अति अनुराग मुदित कल,गान करत मन हरत परस्पर ।जै श्रीहित हरिवंश प्रशंस-परायन,गायन अलि सुर देत मधुर तर ॥ श्री हित चतुरासी जी पद 6 कौन चतुर जुवती प्रिया, जाहि मिलत लाल चोर है रैन । दुरवत क्यौंऽव दुरै सुनि प्यारे, रंग में गहिले चैंन में नैन ॥ उर नख-चंद्र विराने, पट अटपटे से बैन । जैश्रीहित हरिवंश रसिक राधापति, प्रमथित मैन ॥ श्री हित चतुरासी जी पद 7 आजु निकुंज मंजु में खेलत, नवल किशोर नवीन किशोरी ।अति अनुपम अनुराग परस्पर, सुनि अभूत भूतल पर जोरी ॥विद्रुम फटिक विविध निर्मित धर, नव कर्पूर पराग न थोरी। कोमल किसलय सयन सुपेसल, तापर श्याम निवेसित गोरी ॥मिथुन हास-परिहास परायन, पीक कपोल कमल पर झोरी। गौर-श्याम भुज कलह मनोहर, नीवी-बंधन मोचत डोरी ॥हरि-उर-मुकुर विलोकि अपनपौ, विभ्रम विकल मान-जुत भोरी ।चिबुक सुचारु प्रलोइ प्रबोधत, पिय प्रतिबिंब जनाय निहोरी ॥नेति नेति बचनामृत सुनि-सुनि, ललितादिक देखत दुरि चोरी ।जै श्रीहित हरिवंश करत कर धूनन, प्रणयकोप मालावलि तोरी ॥ श्री हित चतुरासी जी पद 8 अति ही अरुण तेरे नैंन नलिन री। आलस जुत इतरात रँगमगे, भये निशि जागर मषिन मलिन री ॥ सिथिल पलक में उठत गोलक गति, बिंधयौ मोहन मृग सकत चलि न री। जै श्रीहित हरिवंश हंस कल गामिनि, संभ्रम देत भ्रमरन अलिन री ॥ श्री हित चतुरासी जी पद 9 बनी श्रीराधा-मोहन की जोरी।इन्द्रनीलमणि श्याम मनोहर,सातकुम्भ तन गोरी ॥ भाल विशाल तिलक हरि कामिनि, चिकुर चंद्र बिच रोरी। गज-नायक प्रभु चाल गयंदनि,गति वृषभानु किसोरी ॥ नील निचोल जुवति मोहन पट,पीत अरुण सिर खोरी। जै श्रीहित हरिवंश रसिक राधापति, सुरत रंग में बोरी ॥ श्री हित चतुरासी जी पद 10 आजु नागरी-किशोर भाँवती विचित्र जोर, कहा कहौं अंग-अंग परम माधुरी । करत केलि कंठ मेलि बाहुदंड गंड-गंड, परस सरस रास-लास मंडली जुरी ॥ श्यामसुन्दरी बिहार, बाँसुरी मृदंग तार, मधुर घोष नूपुरादि किंकिनी चुरी। जै श्री देखत हरिवंश आलि,निर्त्तनी सुधंग चाल, वारि फेर देत प्राण देह सौं दुरी ॥ श्री हित चतुरासी जी पद 11 मंजुल कल कुंज देश, राधा हरि विशद वेश, राका नभ कुमुद-बंधु शरद जामिनी ।साँवल दुति कनक अंग, बिहरत मिलि एक संग, नीरद मनौ नील मध्य लसत दामिनी ॥ अरुण पीत नव दुकूल, अनुपम अनुराग मूल, सौरभयुत शीत अनिल मंद गामिनी ।किसलय दल रचित शैन, बोलत पिय चाटु बैन, मान सहित प्रतिपद प्रतिकूल कामिनी ॥ मोहन मन मथत मार, परसत कुच-नीवि-हार, वेपथयुत नेति-नेति बदत भामिनी ।नरवाहन प्रभु सुकेलि, बहुविध भर भरत झेलि, सौरत रस रूप नदी जगत-पावनी ॥ श्री हित चतुरासी जी पद 12 चलहि राधिके सुजान, तेरे हित सुख निधान, रास रच्यौ श्याम तट कलिंद नन्दिनी । निर्त्तत युवती समूह, राग-रंग अति कुतूह, बाजत रसमूल मुरलिका अनन्दिनी ॥ वंशीवट निकट जहाँ, परम रमनि भूमि तहाँ, सकल सुखद मलय बहै वायु मन्दिनी ॥ जाती ईषद विकास, कानन अतिसय सुवास, राका निशि सरद मास विमल चंदिनी ॥ नरवाहन प्रभु निहारि, लोचन भरि घोष नारि, नख-सिख सौन्दर्य काम-दुख-निकन्दिनी । विलस भुज ग्रीव मेलि, भामिनी सुख-सिन्धु झेलि, नव निकुंज श्याम केलि,जगत-वन्दिनी ॥ People Also Search / लोग यह भी खोजते हैं Shri Hit Chaurasi Ji Pad 1 to 12 lyrics, श्री हित चतुरासी जी पद संख्या 1 से 12, Shri Hit Chaurasi Ji Hindi bhajan lyrics, Shri Hit Harivansh Mahaprabhu bhajan lyrics, Shri Hit Chaurasi Ji recitation, श्री हित चौरासी पद हिंदी लिरिक्स डाउनलोड, Shri Hit Chaurasi Ji Pad 1-12 audio mp3, Shri Hit Chaurasi Ji Pad 1 to 12 mp3 download, Shri Hit Chaurasi Ji Pad 1-12 bhajan lyrics in Hindi, Shri Hit Chaurasi Ji complete Pad 1 to 12, Shri Hit Chaurasi Ji devotional song lyrics Hindi, Shri Hit Chaurasi Ji with meaning and audio, Shri Hit Chaurasi Ji Hindi audio free download, Shri Hit Chaurasi Ji bhajan mp3 song download, Shri Hit Chaurasi Ji Pad 1-12 full lyrics with mp3, Shri Hit Harivansh Mahaprabhu ji bhajan pad 1 to 12, Shri Hit Chaurasi Ji PDF download in Hindi, श्री हित चौरासी पद संख्या 1 से 12 PDF डाउनलोड, Shri Hit Chaurasi Ji Pad 1-12 Hindi PDF with meaning, Shri Hit Chaurasi Ji Pad 1 to 12 bhajan text PDF, Shri Hit Chaurasi Ji Pad 1 to 12 devotional PDF, Shri Hit Chaurasi Ji Pad 1-12 PDF lyrics Hindi, Shri Hit Chaurasi Ji Pad 1-12 bhajan audio download, Shri Hit Chaurasi Ji Pad 1 to 12 mp3 free download, Shri Hit Chaurasi Ji Pad 1 to 12 Hindi PDF free, Shri Hit Chaturasi Ji Pad 1 to 12 Hindi lyrics mp3, Shri Hit Chaturasi Ji Pad 1 to 12 Hindi mp3 download, Shri Hit Chaturasi Ji Pad 1-12 bhajan mp3 lyrics, Shri Hit Chaturasi Ji Hindi Pad 1-12 mp3 audio,